ഖത്തര്‍: 2022ല്‍ ഖത്തറില്‍ വെച്ച് നടക്കാനിരിക്കുന്ന ഫിഫാ ലോകകപ്പിനുള്ള യോഗ്യതാ മത്സരങ്ങളില്‍നിന്ന് ഉത്തര കൊറിയ പിന്മാറി. കോവിഡ് വ്യാപനത്തിന്റെ പശ്ചാത്തലത്തിലാണ് ഉത്തര കൊറിയയുടെ തീരുമാനം. ഏഷ്യന്‍ ഫുട്ബാള്‍ കോണ്‍ഫെഡറേഷനാണ് ഇക്കാര്യം സ്ഥിരീകരിച്ചത്. 
ടോക്കിയോ ഒളിമ്പികസില്‍ നിന്നും ഉത്തര കൊറിയ പിന്‍വാങ്ങിയിരുന്നു. യോഗ്യതാ മത്സരങ്ങളില്‍ ഗ്രൂപ്പ് എച്ചിന്റെ ഭാഗമായിരുന്നു ഉത്തര കൊറിയ. അഞ്ചു കളികള്‍ പൂര്‍ത്തിയായപ്പോള്‍ എട്ടു പോയിന്റുമായി ഉത്തര കൊറിയ പട്ടികയില്‍ നാലാമതാണ്. ഗ്രൂപ്പിലെ അവശേഷിച്ച കളികള്‍ ജൂണില്‍ ദക്ഷിണ കൊറിയയില്‍ നടക്കാനിരിക്കെയാണ് ഉത്തര കൊറിയയുടെ പിന്മാറാനുള്ള തീരുമാനം.