വാഷിങ്ടൺ : പ്രമുഖ ഇൻഡോ - അമേരിക്കൻ ശാസ്ത്രജ്ഞയായ ഡോ. ആരതി പ്രഭാകർ അമേരിക്കൻ പ്രസിഡന്റ് ജോ ബൈഡന്റെ ശാസ്ത്ര ഉപദേഷ്ടാവാകും. ഇത് സംബന്ധിച്ച നാമ നിർദ്ദേശം സെനറ്റ് അംഗീകരിച്ചാൽ സയൻസ് ആൻഡ് ടെക്നോളജി പോളിസി ഓഫീസിന്റെ മേധാവിയായ ആദ്യ വനിത, കുടിയേറ്റക്കാരിൽ നിന്നുള്ള ആദ്യ വ്യക്തി എന്നീ നിലകളിൽ ചരിത്രമാകും. പ്രസിഡന്റിന്റെ ശാസ്ത്ര സാങ്കേതിക ഉപദേഷ്ടാവ്, ശാസ്ത്ര സാങ്കേതിക ഉപദേശക സമിതിയുടെ സഹ അധ്യക്ഷ, പ്രസിഡന്റിന്റെ ക്യാബിനറ്റ് അംഗം എന്നീ നിലകളിലാണ് പ്രവർത്തിക്കുക. 
ഡൽഹിയിൽനിന്ന് ഷിക്കാഗോയിലേക്ക് കുടിയേറിയ കുടുംബത്തിലെ അംഗമാണ് ഡോ.ആരതി. ഇവർക്ക് മൂന്നു വയസ്സുള്ളപ്പോഴാണ് കുടുംബം ചിക്കാഗോയിലേക്ക് കുടിയേറിയത്.